فيسبوك
واتساب
اللى يشغل حد عنده
ويذل فيه يعانده
كفاية يراعى ربنا
يعنى عشان محتاج وصابر
بيتحمل ضغوط مخاطر
دا إنسان بيحس زينا
بتكسب برده فلوس ياما
وسايبه ماشى فى دوامة
إنت أصلك يعنى إيه
عنده عيال مسئوله منّه
إنت مسئول والله عنه
سايبه يمد إيده ليه
عمره ما قالك غير حاضر
شغال عندك مش قادر
يعرف يعيش
بتعطيله أجر يا سيدى إيه
اعتبره عندك عبد يا بيه
عايز يعيش
دا لو يوم غاب مبترحموش
لو يوم تعب مبتعالجوش
حرام إنت حجر
عشان ربنا عطاك
الظلم آخره هلاك
ارحم إحنا بشر
