فيسبوك
واتساب
احكى يا مصر الحكاية
وإنتى فوق الصعب جاية
قصة الورد اللى فتّحْ
فى جناينك مـ البداية .. واحكى يا مصر الحكاية
لما باسم الله اسمّى
ويبقى اسمك هو سهمى
ولما بفرد إيدى وارمى
ترمى امجادك معايا .. واحكى يا مصر الحكاية
مصر يا أغلى حروفى
شلت أنا روحى فـ كفوفى
لما كان طيفك ينادى
بين رصاصهم والشظايا .. واحكى يا مصر الحكاية
لوّنى بدمى ترابك
من شبابى يكون شبابك
وارجعى تانى بهية
وتفضلى زينة الصبايا .. واحكى يا مصر الحكاية
هاتى عَلَمك لفلفينى
وفـ جناينك تزرعينى
تطرح الأحلام سنابل
فى عيونك للنهاية .. واحكى يا مصر الحكاية
