القارئ إبراهيم العطار يكتب: هاتوحشينـى

كنت حاسس فى كلامك انها المره الأخيره ..

وماكنتش مصدق انى هبدء بدايه نهايه ..

كان التشابه الى بينـا صعب يشبه اى غيرنا ..

كنت فاكر انك جيالى رسمالى بسمتك الجميله ..

ماجاش ف بالى انى افكر انها المره الأخيره ..

 ليه تخلى البُعد واحد عاوز يحقق زعلنـا

اتفاجئت من عنيكى جايه تقولى الحقيقه ..

كنت حاسس من جوابك انها غير أى مره ..

وايديكى بتبكى ف سلامى عرقانه مليانه مايه

كنت شايف كل حاجه منك بتقولى الوداع

وصعب الدموع تبقى منى ف اللحظه الأخيره

ما انتى عارفه انك انتى نقطه الضعف الى فيـا

كان لازم اقولك كله خير ، والحياه هاتبقى هيا

خدت عهد انى اعمل كل حاجه هاتقوليها

ماقدرش أقولك أى لأه مهما كان تمنها فيها

لكن ماظنش هتيجى روح تشبه كيانكـ

مافيش راحه ممكن تزورنى بعد اسمـك

قلبى البرئ لسه متعلق بضلـك

كان طريقنا  ماكنتش حاسس أى طولـه ،،

كانت الغرابه انى كنت عاوزه يطول

ماكنتش حاسب لاى حاجه غير وجودك

دلوقتى وقتى بيحاسبنى من بعادك

وف لحظه واحده حسيت بوحده

هبقى بكدب لو حكيت عن عيوبـك ..

هبقى أعمـى لو قسيت من  وجودك

تشهد حياتى على جمال لحظات زمانك

تشهد برائتك انك كنتى الطفله الى ليا

جايز مشيتى  وقـت كنت محتاج وجودكـ

ساعات الدنيـا بتقفل بيبانها ف وقت واحد

ساعات الظلم بيستنى الوقت المناسب

ويجمع صحابه ..

ماملُكش حاجه غير انى اقولك هاتوحشينـى ..