القارئ عبد اللطيف أحمد فؤاد يكتب: أغرق فى الطين

مِن الفجر للعشِا فى الغيطان

بشتغل بلقمتى واشرب دمعتى

وبزرع محاصيل بإبداع الفنون

ايشى رز وايشى قطن وايشى كتان

2

ولا عُمر حد قالى مالك وليه تعبان

ده أنا صانع الخير مِن أيام الرومان

يا أهل التاريخ هو أنا مش مصرى؟

هو عشان لا تظاهرت و لا اعتصمت

وغرقان فى الطين من ملايين السنين

ماحدش يسأل عنى وعن أرضى

3

عندى المرسيدس بتاكل برسيم

ولا خدت يوم بميلم دعم بنزين

والكرّوا شغال من غير تليين

عندى نعجة دولية وفرخة محلية

بيسندوا ضد الأسعار الجهنمية

4

مفيش مرتب آخر الشهر مفيش علاوة

نفسى أكل فى حياتى جرام حلاوة

بحلم بجرامين لحمة راس منذ ميلادى

أصل بينى وبين المواشى أخلد عداوة

5

البرنجان فى بطنى بجمعه وببيع

والبامية والملوخية فى الفجرية

من غبيط جحشتى للسفائن الفنية

السمسم حلم السنين مع البصل الأمل

6

وكردون المبانى كل ميت سنة لما ييجى

آه لو أنا صافينار وللا ابن محمود المليجى

كانوا بنى قصور دهب وجابوا لى المفاتيح

إنما الفلاح قاعد يتوجع فى عشش صفيح

7

قاعد فى معدة لهيب شمس الصيف

وقلب الشتا ومزاجات الخريف

وبشوف الملايين هدايا للرقاصين

رايحة بتتمختر تملى محيطات بتكييف

ومِن كتر جرى ورا رغيف العيش

8

زهق منى وطار ورايا بنبوت ثقيف

يا حكومة بلدى أنا الورد البلدى الشريف

ومش بخون زى الطبيعة الخضرا

وعيونى زرقا واسعة زى بنات كييف