فيسبوك
واتساب
وغصبٍ عنى خطفوها
وفى الإنعاش حطوها
وطلبت دم فاترصوا
ميادينها
شوارعها حواريها
طبيب القلب م الخضة
زعق نادى طابور واحد
يرد عليه هتاف واحد
فداها قلوبنا لو نقدر
من الأكبر الى الأصغر
نسد الجرح بأجسامنا
ونقطة دم ما تنزف
ويرحل كل من هانها
وداس ع الطرف أو شانها
وباع مصريته وخانها
وراجعة بهية بالطرحة
وزفة م اللى حبوها
لمى السواد يا بلد
واتكلفتى ف شالك
وان شفتى كسرة وطن
هتلملمى عيالك
حضنك أمان ودفا
مين داق عسل نيلك
يقتل هموش الغجر
لو تقرصك قرصة
ويعادى كل البشر
ويخلق الفرصة
لجل يحط التاج
فوق الجبين إكليل
