فيسبوك
واتساب
الله أكبر من كل جاهل
القتل عنده شىء عادى ساهل
الله أكبر والدين برئ
منك يا خاين وطنك يا سافل
بتجهر بسوءك وتقول جهادى
شيطان لعين شايفك قصادى
حد الله مباح منهوب فى شرعك
تبيع فى أهلك تنهب وعادى
14 شهيد خلود يا جنة
دفعوا حياتهم تمن أماننا
أما اللى غدر وخان جبان
ملعون وخارج من شرع دينا
فين جهادك والقدس فين
الفرق كبير بينك وبين
أطفال هناك بحجر تدافع
أبطال صحيح مش غدارين
نعوش تزف فى أبطال وحوش
دفنوا الأفاعى جوه العشوش
عرسان الجنة فاكرين جميلهم
صاموا وصلوا ولا عيدوش
