فيسبوك
واتساب
بكره تلف الأيام وتدور
بكره هيجى عليك الدور
ما هو ربك حق.
وكله فى كتاب مسطور
افتكر ديماً:
كل إيد ساعدتها
كل بسمة على الشفايف رسمتها
كل دمعة مسحتها من عين حزينة وفرحتها
بكره تجنى ثمارها وزرعها
وزيادة كمان ما هو الحسنة بعشر أمثالها
بكره تلف الأيام وتدور …
بكره هيجى عليك الدور
ما هو ربك حق …
وكله فى كتاب مسطور
عيشها بطولها وعرضها
وما تنساش نصيبك منها..
بس بلاش تأمن غدرها
ولا بتدوم لحد من خلقها
ده فى ثانية الروح بتقابل ربها
حبها وراقب ربك فى حبها …
وخلى رصيد الخير هو زادك وزوادك منها…
تلاقى ساعتها الرزق يجيلك زى الطيور فى عشها…
ما هو ربك حق …
"وما كان ربك نسياً"
