القارئ بيتر نجيب سعيد يكتب: بتقرأ إيه دلوقت

الخميس، 27 يونيو 2019 01:00 م
القارئ بيتر نجيب سعيد يكتب: بتقرأ إيه دلوقت صورة أرشيفية

مشاركة

اضف تعليقاً واقرأ تعليقات القراء

بقرا شكلى فـ مراية باهتة وشرخ مالى ملامحى

بقرا عمرى فـ كلام عالهامش

وكإنى عين زمن شقيه

اتسطل فيها الجرح ومنامش

بقرا تفاصيل حكايتى وبقرا جرحى

وبقرا طرح العشم وفين مطارحى

وبقرا طُهر ... وبقرا عُهر

وبقرا سُكر فى شعر الدراويش وشرحى

بقرا نوحى

وبقرا سهرى ... غفـر شاربين شايهم التقيل

ومتلثمين فى شال الحكاوى

طرف الكلام سحبهم لغناوى الوجع

يدندنوا مواويل الاستفهام

ازاى تشرط وريد

وازى تخيط حُزن

وازاى ماحنش حملك التقيل من على كتافك يقع؟!

وهو الغريب جواك!

وهو طفلك الشايب!

والأعمى البصير والحكيم

وبرضو جلاب المصايب !!!!







مشاركة






الرجوع الى أعلى الصفحة