خليك فى حالك
ولا غيرك يشغل بالك
ولو نصيبك سالك
تلاقى السعد جالك
خليك فى حالك
ولا تفكر فى غير ذلك
واللى مش عجبك
سيبه ولا يهمك
حياتك هى ملكك
ولا تضيع وقتك
خليك فى حالك
ولا تعيش حياة غيرك
يفوتك ويروح عمرك
ولا انت حاسس ومدرك
لا تخلى نفسك تغرك
تشوف حاجات ما تسرك
وأخرتها الدنيا تترك
خليك فى حالك
واهتم بروحك ونفسك
بعلم وخبرة تنفعك
مش بناس توجعك
أو مظاهر تخدعك
وقت الجد تخلعك
لو ضد مصلحتها تقلعك
وقت الكلام ما تسمعك
لا عايزة ترفعك
ولما تعلى تمنعك
خليك فى حالك
وسيب الملك للمالك
لا تحكم على حد
وتبقى أنت اللى هالك
شوف ايه اللى ناقصك
خليك دايماً فى نفسك
وحلمك لو لقيته
اتشبث بيه وامسك
فكر فى بكره وودع أمسك
خليك فى حالك
دى الحياة كلها معارك
والكلام ما عليه جمارك
واللى تعمله تبقى له دارك
ناس ليك تهنى وتبارك
وناس لحلمك تعارك
وسع عقلك والمدارك
لو شر تبقى له تارك
ولو خير ساعد وشارك
ربك كبير و يبارك
خليك فى حالك
وفى الحياة ماسك
وقعت والزمن داسك
قوم اقف واتماسك
ولا تبعد عن حبايبك وناسك
خليك فى حالك
وبعد عن اللى يعطلك
اعمله بلوك
ومنه ابعد وفُك
إن حاول يقرب ويحُك
على دماغه اضرب وصُك
خليك فى حالك
وابعد عن اللى يغشك
حبيبك فى وشك
وف ضهرك يدق فى نعشك
خليك فى حالك
وسيب الناس فى حالها
دا كل واحد فيه اللى مكفيه
مش تبقى انت والدنيا عليه
تم أضافة تعليقك سوف يظهر بعد المراجعة