كل ما أشوف دموعِك ..
ببقى عايز أبكى..
ببقى حاسس بيكى ..
من غير حَتَّى ما تحكى ..
الحزن اللى فى عيونِك ..
عمَّال يُصرُخ ويشكِى ..
ياريت أقدر أساعِد ..
ياريت أقدر أضُمِّك ..
والقلب لو كان جاحد ..
هَيرِّق وهو فى حُضنِك ..
والدَّم لو مُشْ واحِدْ ..
بس حاسس بِحُزنِّك ..
الناس زى الديابه ..
بتنهش فى أى جِتَّه ..
ومهما تعاملهم كويس ..
يستنوا لك أى غلطة ..
ولو شافوا الطيبة ف عيونك ..
يأكِّلُوك الأونْطَه ..
لازم نقدر نِكَمِّل ..
فى الدنيا دى ونتحَمِّل
ومهما كانت الصعاب ..
ربَّك هو اللى يكٓمِّل ..
لا صاحب ولا أخ ينفَعْ ..
مهما حاول يتجَمِّل ..
ومهما كانت ظروفَكْ ..
شوف غيرَكْ واتأمِّلْ
تم أضافة تعليقك سوف يظهر بعد المراجعة