فيسبوك
واتساب
سافرت فى رحلة لساحة طيبة
وأنا ماشى قابلت الملكة إيزيس
قعدت تحكى فى قصة غريبة
وكل كلامها عن أوزوريس
طلعت منها بحاجة غريبة
عادة قديمة وأتاريها تاريخ
عادة لسه بتعيش فى زماننا
عدى عليها يا ناس تواريخ
اتزرع الشر فى دماغ حورس
لجل ما ياخد حق أبوه
لم فى لحمه هو وأمه
قبل ما يقتل سخمت عمه
عاش واتربى على ثأر عمه
لحد ما حقق رغبة أمه
يعنى الثأر مش عادة، تاريخ
من وقت ما مات جدنا أوزوريس
الله يسامح الملكة إيزيس
على أول عقد مضاه إبليس
وخلى الدم ما بينا رخيص
