ورقة وقلم
مشاركة
في المبتدأ اسمك
بينتهي بـ همزة
و انا اسمي كان مكسور
شافها اترفع بيها
لكن النصيب معذور
مافهمش معانيها
شاف القدر غضبان
رسم السكون فيها
كل الحروف أشتكتوا
وأتلغبطوا الأسمين
الـ (ع) مـ الكسرة بَكِت
والدمع ع الخدين
قام الـ ( أ ) وقف
يمسح دموع الـ ( ع )
الـ ( س ) أترسم سيف
قام شق قلبي أتنين
وانا قلبي كان حلمه
يعيش مع الأسمين
عدد حروف اسمك
بيزيدوا عني بحرف
وأنا حبي ليه في النحو
ممنوع يا ناس مـ الصرف
مشاركة
تم أضافة تعليقك سوف يظهر بعد المراجعة