فيسبوك
واتساب
بونبوناية بس أيه
حاجة بتجنن يا بيه
القمر لو ساق دلاله
تحط صوابعها فـ عنيه
الظرافة واللطافة
ضحكة بتنقط خرافة
شدت الشوق من أيديه
عودها مرسوم عــ الكامنجا
مانجا بتوديك لمانجا
وأنت دايب زي رغوة نسكافيه
والفروالة عــ الشفايف
ضيعت كل اللي شايف
واللي جاى يسأل عليه
قولت الاغى وحبة حبة
لما مالت بالمحبة
ماله حظى إغمّق ليه
خبطة جاتلى من ورايا
إيدها أجمد مـ العصاية
انت بتهبب فـ أية ؟!
مـيــــن ؟ مراتــــي
بس اخرس يا فلاتي
لينا بيت تتغم فيه
دى الحكاية مـ البداية
والنهاية شخص راقد فى العناية
حيّر الطب يداويه
