أنا أكتر واحدة تقول ميهمش
عادى ..ماشية الحياة مبتقفش
تفاصيل كتييرة بالنسبالها ما تفرقش
بس متعرفش...
إن جدار العزلة قرب ينهار
القلب رفض الاستمرار
كان عامل درويش ومؤيد القرار
بس غار لما دار..
ومن باب غرورى محبش الهزيمة
وبكره الموضة القديمة
بس محبش اخسر لحاجات ملهاش قيمة
ومش شغل سيما
لما أقول نفسى أتحب بضمير
حب يهز كيان ..ينادى بالتغيير
زى ثوره ف قلب ميدان
حاجة كده زى الروايات
نسرق الفرحة من قلب الاحزان
نرسم الحب بين فراشات بتطير
يعنى حد بيحب بضمير
حد أهرب منى له
حد يهرب منه ليا
حد فاهم الحنية
حد يبص ف عنيه يبص ف عنيا
يتنهد الزمن
ويبقى الحزن كله اندفن
والنجمه تضحك مع شويه شجن
عدد الردود 0
بواسطة:
محمود
تسلم الايادى
فعلا .. حب بضمير
عدد الردود 0
بواسطة:
مروه احمد
حب بضمير
الشعر تحفه وجميل ❤❤ "ومن باب غروري محبش الهزيمه وبكره الموضه القديمه "👌
عدد الردود 0
بواسطة:
اسماء طه
منيا القمح
استمري😘😘