فيسبوك
واتساب
فى كل مينا وبلد
ليّا مقام ومزار
بنيته من حسنها
محفور عليه اسمها
يخطفنى ليه ودها
أعمله ليلة وزار
مرة ف أبو العباس
والقلعة شايفانى
يا مين يجيبلى سعاد
ويعيد غرام ودها
لا شفت يوم زيها
ولا جمال قدها
سبحانه مين قدها
تسحر عقول وقلوب
م تقول يا راس التين
عدى عليك اتنين؟
فيه واحدة تشبه لها؟
وكمان يا بير مسعود
اشهد وقول الحق
عنيها فوق ميّتك
بتوشوش الرملة
احفظ كلامها وشيل
وغلفه أشواق
وفى كل وجه جميل
ارمى عليه حبّة
تلملم العشاق
يمكن آلاقى السلوي
ف إيدين بتتلاقى
بعد ما دقت فراق
