صورة أم
أنا بفهم فيكـى،
وعارف معنـى كل كلمة حروفها لسانك،
تنكرها عنيـكـى،
يمكن لو وقـفـت حركة نطـقـك، وبعد الشر
هاعيش بعنيـكـى،
وجود الصوت ف نظرة ضوء، مش هحتاجه
أنا دارس قلبـك ،
ومهما داريتـى عن دقاتـه
حاسب سرعاته، وأشهد إنى
عمر ما خنـى
صواب حساباته
وفرتـى الرؤيـة
بقيـت بشوفـك وأنا مش شايـفك
وبقى موجود كاميرا ف قلبك حطاها عنيـا
وتعيـش العيـن اللى تحس وهيا مغميـا
ومبسوط بالصدق اللى ف جوايا لما بيصدق
وان العشق ووجود الحـب، ناقصين ف زوايدك
انا عـارف قيمـتـك
بحس بحب غير محتمل وجوبه من بعدك
وتكون الحكمـة إن النعمة تتصان لمكانها
وغير مسموح
أعرف قيمـتـك بعد زوالهـا
بحب دماغك
وإيه الحب غير إنه يكون عقل يديره
فيطلع بنقاء نازل بحساب ليه معاييره
تكوين الحرف ووزن المعنـى ليهم ناسهم ،
ومن ملايين قليلين العقل حارسهم
بحبك فعلاً لأنك معنى قيم ف حقيقته
ونصاً حرفاً فكرك بيعجبنى،
وطريقة العرض ف الازمات دايماً تبهرني
وسرد النـص والإلقاء فعلاً بيصيبنـي
وأنا م الناس اللى الحب عندى ربع دراى
وبقيت أركانه تكتمل بكمال فكره وإبداعه
فجميل الحب اللى يكمل ليك إمتاعك
وشكراً للمخ اللى يضخ جديد ف سماعك
هاعيـشلك" أمــي"
وكأنك أمـى اللى كلامها لا يمكن يترمم
وأكنى الأمى اللى جاهل وبيكى يتعلم
تم أضافة تعليقك سوف يظهر بعد المراجعة