كان لوفاة أحد الأشخاص المقربين له وإصابته بأزمة نفسية تعرض إثرها لوعكة صحية أدت لنقله إلى المستشفى وعندما شرع رجال الإسعاف وأصدقائه فى نقله صعُب عليهم الأمر نظرا لثقل وزنه الذى كان يُقدر حينها ب 185 كيلو جراما، الأثر البالغ فى نفسه ومن حينها وبدأ يفكر جديا فى أنه لا محالة من أن يفقد عشرات الكيلو جرامات من وزنه ليستطيع خالد محمد "29 عاما" بفضل عزيمته وإصراره ودعم أصدقائه وأسرته أن يخسر 100 كيلو جراما من وزنه ويكسب نفسه ويتحول من شخص بدين يعانى من سمنة مُفرطة إلى شخص لائق بدنيا يزن فقط 85 كيلو جراما.
وفى حديثه مع اليوم السابع قال خالد : أنا بقالى أكتر من 6 سنين بحاول أخس لكن كنت ديما وزنى بيزيد تانى بس من سنة إصحابى كانوا بيهزروا ويقولولى إحنا مكناش عارفين نشيلك لعربية الإسعاف فالموقف أثر فيا فعلا إن كنت ممكن أموت بسبب وزنى والحمد لله بفضل تشجيع أهلى وأصحابى قدرت أخس 100 كيلو وبقيت بجد إنسان تانى حياتى اتغيرت للأفضل فى كل حاجة.
" كان كل اهتمامى فى خروجاتى هو الأكل بدور على الأماكن اللى بتعمل أكل حلو ولأنى شخص بحب الأكل والمطبخ فكنت بقضى معظم وقتى وأنا بطبخ والباقى بأكل وللأسف أصحابى وأهلى لحبهم فى شخصيتى المرحة والخفيفة كانوا بيتغاضوا عن حكاية وزنى الزيادة" كلمات تذكرها خالد وهو يتحدث عن عاداته الخاطئة التى أدت لإكسابه كل هذا الوزن.
واستطرد قائلا بعض النصائح لقراء اليوم السابع ممن يبحثون عن طرق فعالة لإنقاص الوزن : 3 حاجات أساسية كان ليها الفضل فى وصولى للوزن المثالى وهى : "الرياضة والدعم النفسى و النظام الغذائى".. فالبنسبة للرياضة أنا كنت يوميا فى الجيم وحريص على الانتظام وعدم التكاسل ولو ليوم واحد، واللى ساعدنى على دا هو الدعم النفسى والتشجيع من أهلى وأصحابى دا أهم حاجة عشان تكمل وما تيأسش أبدا وأخيرا النظام الغذائى وما تسلمش نفسك لحبك للأكل بالعكس حاول تعمل الأكل اللى بتحبه بطريقة صحية.
تم أضافة تعليقك سوف يظهر بعد المراجعة