زمن الفتنة ظهر وبعَدنا عن بعضنا
آخرتها إيه يا بشر فى البعد عن ربنا
محدش عاجبه حاجة ولا حاجة عاجبة حد
الظلم بأى بزيادة والكره بيننا اشتد
كله بيغلط فى كله ومحدش خلاص بأى همه
غلبان راضى بذله والطيب مش عارف يعيش
الكدب أتفشى بيننا والصدق مالوش وجود
بئينا نسب ديننا والشر فاق الحدود
حرمنا فى الحلال وحللنا فى الحرام
والله يا ناس حرام ليه ضلينا الطريق
بنات تلبس قصير والواد بئاله ديل
حاجات بئيت تحير والعيشة مستحيل
السحت حللوه وديننا ضيعوه
والكدب بينشروه ما بيننا كل يوم
جوانا ألف آه وضيعنا الحياة
وآه يا خلق آه من الحزن والهموم
مين يقول لمين والصح يا خلق فين
ليه بس مصممين نبوظ كل شىء
فين الطيبين وفين المخلصين
فين يا خلق فين شهامة المصريين
ليه الحب يا خلق مات وليه زادت العيوب
ليه ننم بالساعات وليه نكوم فى الذنوب
خبطنا فى بعض ليه وبكرة هنقول إيه
والله اللى أحنا فيه خللا قلوبنا طوب
