مش النهاردة عيد ميلادي
ودا يوم مش عادي
ولا كان خالص هادي
عمرى ما كنت فاضي
الكلام دا كان فى الماضي
انما دلوقتى خيار وزبادي
ناس ف وادى وانا ف وادي
سترك يا رب انا برده راضي
ومن غير تشابك بالأيادي
الحياة عايزة حبة تغاضي
والحكم يبقى بالتراضي
افضل من حكم القاضي
انا لا بتاع مامى ودادي
ولا أوشين لو كانت قصادي
مش جايه على حد اعتقادي
الزمن بقى اصله مادي
وانا لا بقيت اسوق فى عنادي
انا بتاع بيتى وولادي
روحى وفلذات اكبادي
ليهم حبى وفؤادي
هما زادى وزوادي
لا يقدروا على بعادي
خلاص بقى شيء اعتيادي
ما يخلونى اشوف مرادي
راحت فين زمان امجادي
ثانوى وجامعة وحتى اعدادي
ضحك وفرفشة ولا كنت جادي
ولا كنت اخلى شارع ونادي
كنت زمان ابقى البادي
دلوقتى بنسى ميعادي
بقيت احب ابتعادي
والبيت بقى فيه قعادى
وافتكرت وانا فى سهادي
مش النهاردة عيد ميلادي
