فيسبوك
واتساب
صوت الفرح مشروخ
بصوت أنينك يا ناى
أرقص يقوله سعيد
وأنا ببكى من جُوَاى
على حبيب كان حدي
غرَّب وما هو جَاى
آهات الفراق صعبة
ارحمنى يامولاى
حمل النسيم طيفه
غيبت عن الحاضرين
وحضر الغايب وياى
مين قال إنّى نسيته ؟!!!
فاكر تفاصيله
و لروحى أنا نسّاى
ياويلى من اللايمين
مُر كلامهم
عكرك يا هَوايّ
توتة توتة
كُل الحكاوى انتهت
سكت ليه يا نَاى
آخر حكايتى إيه
عزيزة دمعتى
ماكنت يوم بكّاى
ولاسمع شكوتى
إلا العليم
للناس ماكنت يوم شكّاى .
