فيسبوك
واتساب
بروح ع اى مكان فى نفسك
بروح على كل مكان وازوره
بيوحشنى إحساس ضلك ف نوره
بروح على أى مكـان كان ملكك
بلف بقلبى ف كل طرقـك
وعينـى ف مرايـة طابعة اسمك
ف كل مكـان كان ظهوركـ
العيـن سخنانـة من حرارتـك
والمطر اللى بينزل مش بيسقعنـي
أتاريه كان نازل عند سيرتك
والتلج بقى نازل عكـس صورته
بقى نازل سايح مش طبيعته
والبـرق بيصـرخ مش بعادته
معقـوله الدنيا بتبكـى عشانـكـ
معقـوله دموعهـا بتخبـى مكانـك
الأرض والسمـا بيذكروكـي
دموعـى والمطـر بيزروكـي
بقى قلبى ياخدنـى ويسرح فيكـي
من غيـر ما أقـولــه
ساكت يحكيـكـي
احساس غريـب بحسـه لواحدي
ماحدش يعـرف يقوله أو يحكـي
من يـوم ما مشيـتى وأنا بتعلـم
درسك فاتنـى ومابقتـش اتكـلـم
لو يوم ترجعى لو بس اتخيل
يوم ف حياتك هرجع عيـل
يالله
وحشـتـــيــــنـــــي
وسامحـــيـــنـــــى
