يا احلى ضحكة ف عمرى كله
وابتسامة
يا روح بتسرى جوه دمى
وميت علامة
يا غالية عندى الاسم أمي
والحقيقة
العمر كله شايلة همى
ورافعة هامة
كتبت كتير ف عيد الأم
وكل يوم وجودك عيد
يا حب بيسرى جوه الدم
ونبض يحسه كل وريد
ومهما كان يزيد الهم
دعاكى يزيح وخير بيزيد
محتار والحيرة واخداني
مش عارف اكتب ايه تاني
ما هو انتى القلب والفرحة
ومهما كان قلوب جارحة
ومهما عشنا بنعانى
دعاكى بيفتح الأبواب
ورب يسبب الأسباب
نلاقى الخير معاكى انساب
وترجعى تدعى من تانى
يا أم الخير وأم النور
يا أجمل فرحة جمعتنا
يا احلى سطور
كتبها المولى فى حياتنا
كما البنور
وجودك سر فرحتنا
ودعوتنا يطول عمرك
بحجم الأرض
وحجم السما
وحجم بحور
