مالك يا أبو صلاح
فيك إيه مش مرتاح
يا رب ما يكون جراح
ولو فيه هم ينزاح
أسال ربك الفتاح
وحى على الفلاح
أنت تقدر ترجع
وترجع الأفراح
أنت عندك عزيمة
وإصرار وكفاح
أنت عندك حلم
والدنيا مش براح
ولو الأبواب مقفولة
أنت معاك المفتاح
أنت أصلك طيب
وحلو وجميل
أنت منا قريب
ونور فى ليل طويل
أنت نور شمس الصباح
ورمز لكل أمل ونجاح
أنت بالنسبة لنا بكرة
أنت أملنا على فكرة
أنت عملت المستحيل
أنت الحلم لكل جيل
حققت كتير معجزات
ولسة جى كتير حاجات
إحنا عايشين معاك
وكلنا على طول وراك
انسى كل اللى راح
واشتغل من تانى
على نفسك والصلاح
ولو جواك حاجة بوح
أنت لسه جواك طموح
قاوح وع الشبكة روح
معاك لفين ما تروح
وكل شىء فى اللعبة مسموح
وابحر بسفينتك
رايتك فى السما تلوح
طريقك إن شاء الله
وبأذنه مفتوح
تم أضافة تعليقك سوف يظهر بعد المراجعة