ورقة وقلم
مشاركة
وأنت من أهله
ويتجاهلوا
وقلبى برضه من جهله
مصدق لسه ف هواهم
ويصحى الصبح يتنفس
بريحة الورد ف هواهم
ويبعت روحى عصفورة
ترفرف جنب شباكهم
ويرمى ف بحرهم موجة
ومركب حب لشباكهم
تصيدنى النظرة من عينهم
وأقول للحب يستاهلوا
فيتناسوا ويتجاهلوا
واعاتبهم ويصفولى
ويحكولى ويصفولى
هواهم نفحة من روحى
ورزق بيجى على مهله
فبطمن بنور يهدينى من طيفه
وابات واسهر على عهدى
وقلبى ف الهوى ضيفهم
يغيب عنى واندهله
يقولى تصبحى على خير
واقوله وأنت من اهله
مشاركة
