فيسبوك
واتساب
لا عارف أفكر فى أى حاجة
ولا أى حاجة حلوة فيها
قلبى ومشاعرى واخدين إجازة
وحتى نفسى مش لقيها
الظلم بيننا يا ناس زيادة
بيعنا فيها و بايعة فينا
لا فيها حب ولا سعادة
بنجافيها وتجافينا
بجد يا دنيا حرام كفاية
هو إنتى غاوية تعذبينا
هاتى آخرك من النهاية
وإمتى ناوية تحسى بينا
عيشنا فيكى سنين طويلة
نصها ما عشناهوش
حَيلنا الفرح بألف حيلة
وكأننا ماشفناهوش
إضحكيلنا بس مرة
د الفرح سنين مقابلنهوش
كل حاجة فيكى مُرة
وحتى ناسك بئو وحوش
