وفيها إيه لو عيشتها
وفيها ايه لو لهمومك حكيتلها
شايل ليه حمل على صدرك
دنيا فانية وإحنا معاها ماشيين
فضفضلها إحكيلها همك
مش يمكن تلاقى راحتك ف كلمتين
مالك كده تايه وحيران
متخفش من بكرة ليك رب كريم
مش هيسيبك تنام زعلان
فرجه واسع فرجه عظيم
افرح وسيبك من الهموم
ما الدنيا على كل شكل ولون
امسح دمعتك بإيدك
فرح نفسك بنفسك
الحزن مش هيفيدك
وربك هيزيل همك
بكره أحلى بإذن المولى
بكره جايب خير كتير
قوم..وقول أنا الأولى
بالفرح جاى وعشمى فيك ياربى كبير
افرح غنى عيش أوقاتك
قول للحزن إبعد بعيد
خلى الفرحه تملى حياتك
ابدأ يومك وأنت سعيد
ظن فى ربك دايما خير
الطريق لسه قدامك
بأذن الله الخير كتير
والهنا كله جاى عشانك
عشمى ياربى فيك كبير
وحدك بس سر سعادتى
وهوصل أكيد للتغيير
وهقول أنا الفرحة مين قدى
عيش حياتك ببسمة كل يوم
خلى دنيتك بالسعادة مليانه
وربك بإذنه هيزيل الهموم
وحسن الظن بالله جوانا
تم أضافة تعليقك سوف يظهر بعد المراجعة