مهما اتفقنا
أو حتى اختلفنا
مهما بعدنا
أو حتى قربنا
خلى اللى بينا
أيام فيها واحد كنا
تبقى ذكرى لينا
ما إحنا لو نسينا
يبقى ما فى حاجة
باقية غالية علينا
خلى اللى بينا
فى يوم عدى علينا
مهما كان صغير
أو حتى كان كبير
عايزين نفتكره
أنا وأنت بكل خير
بدل ما يبقى فينا
ولا حاجة باقية لينا
واللى عدى علينا
فى عمرنا وليالينا
أيام ونسيناها
ومحينا ذكراها
أيام راحت لحالها
وفهمنا خلاص معناها
أيام مش محسوبة
من عمرنا لكن مكتوبة
أيام مش عادية
ولا فيلم ولا أغنية
عرفنا مين كان الضحية
ومين ياخد درجة أستاذية
أيام كان فيها الإخلاص
كان مين عنده هو الأساس
ومين فاكره كلام كراس
مين قلبه أغلى من الماس
ومين قلبه قصدير ونحاس
أيام كانت المظاهر خداعة
ونفوس مريضة وبياعة
الكذب حرفة وصناعة
والكلام سلعة وبضاعة
أيام كانت قوية وقاسية
لناس فاكره وناس ناسيه
أيام كانت صعبة
المشاعر فيها كانت لعبة
ومهما وعدنا
وخلفنا وعودنا
بأيدينا أو غصب عنا
بس اللى باقى منا
اللى كان جوا فى قلوبنا
وعالم بيه ربنا
ويا ريت نكون اتعلمنا
وقرينا الدرس وفهمنا
أن اللى باق لنا
هو اللى منا
اللى خاف علينا
ولا لحظة حتى نسينا
أيام كانت تحدي
ضاعت منى وما بيدى
يا دنيا فين لونك الوردى
وزى ما خدتى شوية أدى
وعلى مهلك عليه وهدى
عدد الردود 0
بواسطة:
Ahmed
لونك. الوردي. .. اه. يا وعدي. .. بلون. الورد. البلدي. من :نشات رشدي منصور
اين. انت استاذ. وائل. .. لعل. المانع. خير. .. كلام. في الصميم. نفسي. وودي. أقوله. لك. .. من. مجد. لمجد. ولك. مني. موفور. تحياتي. من. اخر. بلاد. خلق. الله. .. بلاد. الكانجرو. و الكوالا. نشات
عدد الردود 0
بواسطة:
وائل عبد الودود
والله انت غالي و كبير
استاذنا الغالي لو يحسبوا مدى غلو الناس عند الناس ...... بالمشاعر مش بالعيون وانا شاعر وساعات مجنون والكلمة الحلوة والمشاعر الغالية بينا عدت كل المسافات وكسرت كل الحواجز وحشتنا ووحشنا كلماتك