قبل الجواز وقصص النيش والجهاز
والثلاجة والغسالة والبوتاجاز
والعفش مودرن أحسن طراز
والفرح والبوفيه ممتاز
كان التليفون يرن وأغنية حب تخليك تحن
والميعاد مظبوط بالضبط على ساعة بيج بن
تسمع الو برقة وحنية تجيب جاز يا عينيه
آه نسيت اقولك على حاجة ولا أقولك مش محتاجة
وأنت ترد بطيبة وسذاجة لا أزعل ايه هى الحاجة
حوار قديم ودباجة فيه دلع وسماجة
ترد تقولك وحشتني من ساعة ما سبتنى
ومن لحظة ما فتنى ما بفكر غير فيك
انا بفهمك من عينيك وابقى عايزة ارضيك
واعرف ايه اللي فيك مش عايزة تزعل مني
ولا حتى تبعد عني دي حاجة غصب عني
انا عايزة اشوف الابتسامة اللي كانت على وشك ياما
وتصبر على بابا وماما نوصل بيتنا بالسلامة
ترد تقول ولا يهمك كله فداكي وفدا امك
على راسي أبوكي وعمك وأنت ف سرك محروق دمك
انا تعبان وف دوامة وحاجات تافهة ولا هامة
بس عامله عليها علامة يا ادي ام الغرامة
دي باين جوازه الندامة عديها يا رب على خير
سلام يا طيب يا أمير و قبل الجواز خناقات
وقصص وحب وحوارات و خد دي و دي هات
وتخلص عليك من سكات
وبعد الجواز يعدي شهرين تلاته عسل
وكلام حلو على غزل والمراد اهو جه وحصل
والحلو اهو وصل تبقى مبسوط وفرحان
والدنيا لذيذة يا مان بعدها يبدأ الحلو بالعياط
والمصاريف شغاله شفاط المدام عامله ملقاط
قوم ساعد شوية نشاط قوم وديني عند ماما نبات
ولا دا فيه غسيل اشواط مش شامم ريحة الشياط
تبدأ تعمل فيها سقراط والعقل خلاص منك شاط
انا على القهوة فيه ما تشات وتقول يا ريتني
يا زمن ما غرتني والحلوة جابتني
على ملى وشي وربطتني
كان مالي ومال الارتباط الارتباط يعني انضباط
يعني الصرف من غير افراط حاجة حلوة في الخلاط
وبعدها لسه معاك فلوس ترد تقولك هات من الفانوس
هي دي فلوس يا متعوس دي ما تكفي حتى الدروس
ولا المدارس يا مهووس ولولا شغلي يا منحوس
تتجنن وتبقى ملبوس كلمة بقلها بالمحسوس
خفي عليه شوية يا فردوس وبلاش شغل ليشع الجاسوس
ليقلب ويبقى طاووس او يعيش وشه عبوس
خليه يفك مع اصحابه شوية مش هيا دي القضية
ولا خليها شوية حنية في حجرة الجلوس
و معاها مشوي بلاش غموس وبلاش المنديل ابو قويه
وخفي شوية مش كتر بوية شوية دلع على حبة بوس
وكلمة حلوة حبيبي يا محروس والخاتمة وحشتيني يا فردوس
عدد الردود 0
بواسطة:
Ahmed
جميلة. ومعبرة. يا أستاذ. وائل. عبد الودود.
عن. حالنا. وأحوالنا. بصدق. . لك. منا. كل. تحياتنا. ———. من. : نشأت رشدي منصور.