فيسبوك
واتساب
بستغرب على ناس جوه القلب شايلهم
ظلموني يا ناس ولسه بأحنلهم
قولولي اعمل إيه ما القلب حاببهم
الظلم رضينا بيه وكمان مش عاجبهم
هاسيبهم لأيام وهي تعلمهم
إن القسوة حرام ويذوقوا تعذبهم
و يا عيني على المفترى على حد بيحبه
و كان هواه دواء و عذبه بحبه
بكره يذوق المر و يتصبله في كأسه
و الدمع منه يفِر و يموت في إحساسه
و يدور في عقله شريط ،فيه كل اللي فات
ويحس انه عبيط وحبه الحقيقي مات
وتدور بيه الذكريات وتلف بيه السنين
ويسرح بالساعات و يعيش عمره حزين
