خالد صلاح

تركى آل الشيخ ينشر فيديو عن روح الفانلة الزرقا : نكسب بعد التسعين أحمر أبيض مش فارقة

الأحد، 10 فبراير 2019 01:29 ص
تركى آل الشيخ ينشر فيديو عن روح الفانلة الزرقا : نكسب بعد التسعين أحمر أبيض مش فارقة تركى ال الشيخ
إضافة تعليق

نشر المستشار تركي آل الشيخ عبر حسابه على موقع التواصل الاجتماعي فيس بوك أغنية جديدة من كلماته عن نادي بيراميدز لتكون بمثابة النشيد الذي تتغنى به الجماهير في المدرجات وتقول كلمات الأغنية :

روح الفانلة الزرقا .. تكسب بعد التسعين

أحمر ابيض مش فارقه .. لو كان بنلاعب مين

من كل مكان ف العالم .. نجوم كتير جايين ..

 

روح الفانلة الزرقا .. ومولودين كبار

من أول يوم ف الدوري .. ولآخر المشوار

ننزل الاستاد ب هيبة .. ونخلي الملعب نار ..

 

العب بحماس .. واكسب برجوله

بيراميدز كبير .. جاي على بطوله

وهدفنا نكون .. الفرقه الاولى ..

جايين ناوين .. نكسب لو مين ..

 


إضافة تعليق




التعليقات 9

عدد الردود 0

بواسطة:

شعبان خميس

نشيد

الله عليك يعم بخ 

عدد الردود 0

بواسطة:

مصرى

روح الفانلة الزرقا هههههههههههه

ياترى جت منين الروح دى . وهى اللعيبة جاية عشان الفلوس اللى زى الرز . أنا طول عمرى أعرف وأسمع من أبويا وجدى . عن روح الفانلة الحمرا . الفانلة البيضة .. لكن عمرى ما سمعت عن الفانلة الزرقا . الروح بتيجى من حاجتين مهمتين جدااااااا . ان الاعب يكون ابن النادى . أو بيشجع النادى . ومصر كلها أهلى وزمالك . حتى لاعيبة الفرق التانية ومدربينها بيشجعوا اما الاهلى أو الزمالك .. وفى فريقك مفيش لا ابن النادى ولا حتى فيهم بيراميزاوى مثلا  . الفلوس ممكن تشترى ميسى ونيمار ورونالدو .. لكن مستحيل تشترى اهلى او زمالك .. لانهم محفورين فى قلوب كل المصريين .يبقى روح الفانلة الزرقا دى هتيجى منيييييييييييييييين 

عدد الردود 0

بواسطة:

صلاح المصري الاهلاوي

رئيس قسم المراجيح

اول مره اسمع ان نادي الاسيوطي له جماهير وكمان تغني نشيد تكسب الأهلي والزمالك طيب انت عملت نادي واشتريت لاعبين بفلوسك طيب الجمهور ده ها تشتريه اذاي اقولك انا اطبع تذاكر واعمل عليها سحب او غطي رقم التذكرة ذي كرت الشحن وقول للمشجع امسح الرقم وها تكسب 100 جم يا عم اشتري دماغك الزمالك بطل الدوري والأهلي سيقبل بالوصيف هذا العام فقط ... فقط ماشي يا زملكاويه ذي ما نحن متفقين انا واخوي على ابن عمي وانا وابن عمي على الغريب انشر ياسابغ انا عارف انك زملكاوي

عدد الردود 0

بواسطة:

احمد

التحكيم المصرى

الشيخ ترك ال شيخ جعل للدورى المصرى طعم جميل المشكلة تكمن فى التحكيم المصرى المساند للاهلى بكل قوة

عدد الردود 0

بواسطة:

ا٠د/سامى محمد ابوالعينين

اجمل نشيد رياضى

من مشجع اهلاوى إلى صاحب اجمل نشيد رياضى صدقت كلماتك عن ناديك بالتوفيق تحياتى

عدد الردود 0

بواسطة:

ali

عالي عالي الريات عالي يا احمر ياغالى

الكل فاكر أنك نايم وأنت ساكن في العلالي يا غالي........ مهما حصل لك رجالك يشدو الهمم لتجلس عالي ...... الأن يا أنديه صحا الأهلي ليحلق في العلالي ........سلمو تسلمو من غضبي ولا ايالي ........فمن لم يسلم بفارق بسيط يملئ شباكة على التوالي ............ مهاب قديم وحديث وتاريخك أمجاد تتوالى

عدد الردود 0

بواسطة:

صلاح

ناقصة

هي ناقصة مش كفاية عندنا واحد ......... يبقوا إتنين !!! وعايزين نرتقي بالكرة و الأخلاق .. إنسوا اللي محزن الواحد إن هذه الأخلاق و الأفعال طالعة المفروض من ناس كبيرة و لها مراكزها و وزنها علشان كده الواحد ماينفعش يعك فيهما

عدد الردود 0

بواسطة:

مهندس/ سعيد أبوزيد

اكثر شخص مكروه من المصريين

نرجو من سمو الامير محمد بن سلمان أن يبعد  آل الشيخ عن الساحة المصرية فهو فعلا قد أرسي بذور الفتنة بين الاحباء و الاشقاء بين الشقيقتين المملكة و مصر  

عدد الردود 0

بواسطة:

بحب الاهلي

ترك ال شيخ أحد أهم أسباب التوتر والتعصب والفتنة

عندما أيقن ترك ال شيخ بأن الأهلي العظيم لايباع ولايشترى شن حربا شنعاء على جماهير الأهلي وإدارته ورئيسه الأسطورة حبيب الملايين الكابتن الخطيب ولكن هيهات سيبقى الأهلي فوق الجميع

اضف تعليق

تم أضافة تعليقك سوف يظهر بعد المراجعة



الرجوع الى أعلى الصفحة