فيسبوك
واتساب
كلنا فى الدنيا
عايشين فى غابه واحده
مسرحيه والمشهد قايم
وواحد يعشق واحده
ونظرته ليها حلم
والخادم بيحب ملكه
والخايب بيجرى
ويجبلها أحلى ورده
بيحلم بمشهد سندريلا
مستنى دوره فى الروايه
والمشهد يتحول لفيلم
وياخدها على البساط
قال عامل فيها سندباد
ويتفاجئ المغفل
يوم العرض الخاص
بعدم وجود دوره
أصل المخرج لعب فى النص
ونسى إن المشهد خاص
وقلك أهذا الخادم الصعلوك
يحب ملكه من أميرات الجمال
وطلعت كدبه من روايات العصر
أن الواد بيحلم بقصر
وحضنها الحامى اتحول لجمر
وصعكته بالكرباج ضربه الحب
والعصفوره اتحولت حدايه
بتاكل من جناح النسر
