خالد صلاح

القارئ حسين بندارى يكتب : سنين الغربة

الثلاثاء، 03 ديسمبر 2019 10:00 ص
القارئ حسين بندارى يكتب : سنين الغربة حد مسافر

مشاركة

اضف تعليقاً واقرأ تعليقات القراء

ليه بس ليه ياغربتى

تهون عليكى دمعتى

ظلمانى ليه وسقيانى مرك

وأشوف عذابى وويلى منك

كرهانى ليه وعذابى شهدك

وأسيا عليا فدنيتى

ليه بس ليه ياغربتى

كل ما صلحك تغدرى

وتبيعى فيا وتشترى

كان نفسى فيكى ألاقى خير

وتقولى أسفه وتعذرى

دناسبت أهلى وصحبتى

وهجرت بيتى ودنيتى

علشان أشوفلى طريق فنور

وتكونى إنت محبتى

ظلمانى ليه وسقيانى مرك

واشوف عذابى وويلى منك

كرهانى ليه وعذابى شهدك

وأسيا عليا فدنيتى

ليه بس ليه ياغربتى

ساعدينى مره وأقفى جنبى

وإرضينى مره فباقى عمرى

شقايه كله ماعدش نافع

سرقاه برضايا وغصب عنى

فيك الوحوش فيك الديابه

وكلين حقوق كل الغلابه

والشكوى لغير الله مذله

هوه الحكم من غير نيابه

ظلمانى ليه وسقيانى مرك

واشوف عذابى وويلى منك

كرهانى ليه وعذابى شهدك

وأسيا عليا فدنيتى

ليه بس ليه ياغربتى


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة