فيسبوك
واتساب
آآه يابلد بيموت فيكى الولد
وفيكى أم الشهيد زى الوتد
ماشية تزغرط وشايلة الكفن
شايفة ضناها بيندفن
مستغربه من قوتك ياأم الشهيد
بتزغرطى متأكده إن ابنك سعيد
متأكده إنه رايح على الجنة أكيد
ده صبر إيه ياأم الشهيد
آآه يابلد فيكى أب بيقولك ولادى فداكى
ولادى أصلا عايشين علشان حماكى
أب بيعلم ولاده تحيا مصر بيعلمهم رضاكى
أب بيعلمهم يكونوا ضهرك يكونوا معاكى
آآه يابلد فيكى ولادك طالبين الشهادة
مش خايفين من الموت كالعادة
بيضحوا بحياتهم بكل إرادة وسعادة
وطول ما فيكى أم وأب مبيعزوش عنك ولد
وبيربوا ضناهم يكون ليكى ضهر وسند
متخافيش إرهاب ده إيه اللى يخوفنا
ده الشهادة بتشرفك وتشرفنا
وبكرة أكيد ربنا هينصفك وينصفنا
