القارئ أشرف القط‎ يكتب : عيدان النور

الأحد، 15 ديسمبر 2019 12:00 م

فرح أرشيفية

عيدان النور علىٰ غفلة

وقاعدة جنبه في الحفلة

بتسألني بنظرة عين

ليه هيا الحياة سافلة

يا فرح اسمعني واستنىٰ

وأوعىٰ تصدق الحِنّة

وقول للكل ميغنوش

أنا اللحن اللي يتغنىٰ

ودي أمنية مخطوفة

وأنا اللي كنت بتمنىٰ

خَدو من صدري تنهيدة

وأنا واقف مليش حِيلة

وأول صِدقْ صدّقته

أشوفه بيكدب الليلة

خديني يا توهة من كفّي

ولفي زي ما تلفي

ويوم ما هترجعي بيا

يكون الحب بيكفّي