القارئ أشرف محمد القط يكتب: اللعبية

الخميس، 14 نوفمبر 2019 08:05 ص

شراب

اليوم تلات زى العادة

نازل على شغلى يا سادة

ولسه هلبس فـ شرابي

نفس الحكاية المعتادة

وفردة واحدة اللى لقيتها

والفردة ضاعت فردتها

ومين هيكسب فيا ثواب

ويدلنى على سِكتها

فتشت جوه الغسَّالة

لما قالولى دى نشَّالة

مظلومة وأحنا ظلمناها

ملقتش حاجة يا رجالة

عـ الحالة دى مـ الصبحية

دايخ عليها اللعبية

أتارينى لابسها وناسي

وأنا اللى ضايع مش هي