مصر حلوة بكل ما فيها
غنوة يا ناس نفسي أغنيها
هي بلادي وعايش ليها
أنا والله بروحي أفديها
نيلها في دمي وأنا لوني خمري
ولو عطشانة بدمي أرويها
لما بشوف أعلامها ترفرف
ادعي الرب علشان يحميها
شعبها واعي وعمره مايبخل
لو تندهله يجري عليها
يحمي حدودها من أعدائها
ويبقي يا ويله الطمعان فيها
مصر بلدنا غالية علينا
حتي ترابها ماس في عنينا
شمسها تشفي ونيلها بيروي
ولا هواها نسيم حوالينا
خيرها كفينا وبيغنينا
ولا حد له فضل علينا
أم الدنيا مش بالصدفة
واسألوا كل جيرانها عليها
عمرها شامخة وفي السما طالعة
مصر بلادي الله يحميها
تم أضافة تعليقك سوف يظهر بعد المراجعة