هاتقوي الحياه غصب عنك
هاتحس بإني كنت منك
والوقت ماعدش بيأمنلك ، وضيعتني
هاتقول لو يوم يبيض عينها
ويعود لمعان بياض سنانها
وتضحك رجعانه لمكانها وتبصلي
هاتعيش أوقات طافيه نورها
وتلف تدور فين زرارهـا
وتدوس عليه فيدوس عليك وتشتكي
هاتفوق والوقت عدي حقك
وتمد ف جزر سَّن أمرك
وتيجي تقول ياريت نكمل
وترجع أيام كنت أميـل
وخيالك قد مضي
ياعزيزي القلب مش تخيُل
ولا عمره بيقفل من قليل
ولو مال علي جمبه يعني زعله ،، والوش بيبقي صعب يعلـُو
ولايمكن يظهر بعد بُعدك
وجنيت أيام ظلم وعدك
وعانيت أوقات كنت شايفك
صوره مقصوصه من شفايفك
وخلاص خليت قلبي يخجل
وبقاء مليت يبقي أكمل
وأوان نسيت بُعدي صمم
وخلاص مغلوط اني أقبل
مش هاقدر فعلاً غصب عني
انا جالي روح شاريه حزني
واستحمل كل ماكان واجعني
وبسببه بقيت جوا نفسـي
وبقربه لقيت حب مصفي
وباسمه جاوبت ع الى ناقصك
وبحضنه بقيت بستشفـك
صدقني بقيت مش في صفك
روح شوف حياتك شوف مصالحك
حقيقي بقيت نصي عارفك
من قلبي بقولها مش بنافسك
ولا شايف منك غير ملامحك
ولابوجع فيك أو بستخفك
بقي نظري بيكبر بعد اسمك
وشكراً لكلامك وقت جرحك
وبكل الحب مشكور لصالحك
لو كان القلب عاش بأخره
ماكان الحب جاب أوائله
تعرف من غيرك كنت هبكـي
كان لازم تبقي .. وتبقي مبقي
كان لازم تبـقي جزء قصـه
ويكون أولها بيك أساسها
وسطورك هيا بدايتها ..
وتكون نهايتها لباقيتها ،،
وتبقي الحياه أمر مضحك
وتقوي الحياه غصب عنك ..
تم أضافة تعليقك سوف يظهر بعد المراجعة