فيسبوك
واتساب
يا ترى هو ليه
لسه أجمل
يوم مجاش..
هو تاه في السكة
ولا راح سوريا
بيدور علينا في
الهدم والأطلال
ولا تاه هناك
في جنوب لبنان
وأسروه افراد من
حزب الله .
ياتري راح
ليبيا هناك في
الحرب والدمار
ولا اليمن اللي
تحت القصف
وتاه في الكهوف
والادغال..
بصوا عليه
في الوشوش
السمرا هناك
في السودان
اللي اتقسم
جنوب وشمال.
يمكن راح استخبي
في العراق في
حفرة صدام.
ولا في ابيار
البترول اللي
شفطها العم سام..
ولا اغتالوه
الصهاينة زي
سميرة موسى
و مشرفة زمان
وآخرهم أبوبكر
العالم المصري كمان..
ياترى ليه
لسه أجمل
يوم مجاش
هو لسه تايه
زينا بيدور
علي حلمنا مش
لاقي مرسى
ولا شط وعنوان
لو حد شاف حلمنا
ضايع في القدس ولا
خان يونس وغزة
يقولنا يمكن
نعرف نبادله
أو نقايضه
وندفنه ونسد
بيه الإنفاق..
ويكون عوض
وفِدا لولادنا
في جنوب سينا
ونقضي بيه
على الإرهاب..
ياترى هو ليه
لسه أجمل
يوم مجاش.
