فيسبوك
واتساب
قلبى عليكى أنفطر و أتزلزل الأحساس
كنتى ملاك مش بشر بشهادة جميع الناس
روحك فوق فى السما بأمر من الخلاق
و أنا بدعيلك هنا و بكرة ما بيننا لقاء
فرق ما بيننا القدر بس ماشاء الله
ماشية ذى القمر بوجه كله صفاء
أستحملتى ياما الألم و رضيتى بأمر الله
لا صبرك فى يوم أتهزم ولا آلمك فى يوم هنساه
كنتى مثال للجلد وياما ساعدتى الناس
ضهرى عليكى أتسند و بعدك يا أمى خلاص
دمع عينيا نشف و مفيش كلام يتقال
وقلبي يا أمي ضعف وجوايا ميت زلزال
يارب صبرنى عالبعد وعالفراق
أكتبلها الجنة و أكرمها يا خلاق
أغفرلها و أرحمها شفع فيها القرآن
وأجعلها فى الجنة فى صحبة العدنان
