خليها تصدى
انا واخدها تحدى
والمرة دى مش هتعدى
يله السكة اللى تودى
ياما حطيت ايدى على خدى
وكان الود ودى
تيجى و تخدى بيدى
لكن ولا مرة تهدى
وانادى ولا تردى
وتقولى ما حد قدى
طب دلوقتى اعرفى سدى
انا واخد الموضوع جدى
والله ما كان بدى
ياما كنت ليكى استجدى
واقولك بالراحة واستهدى
تبعدى عنى وتمدى
اخد من شقايا و كدى
واقول تبقى ضهرى وسندى
وزى ما تاخد تدى
كنت ارخى وأنتى تشدى
اطنش واقول عدى
واقفه تملى ضدى
اقول شوية وتندى
اتحملى بقى نقدى
حتى لو اتكلمت هندى
او قلبت واحد كندى
ولا بقيت زى غاندى
انا مش زيك مادى
وف مكانك خليكى حدى
يله الطريق اللى يودى
وده آخر اللى عندى
خليها تصدى
تم أضافة تعليقك سوف يظهر بعد المراجعة