معركة شرسة بين الفتيات والشباب عبر مواقع السوشيال ميديا، بعد حملة "خليها تعنس" التى تصدرت قائمة الأكثر تداولا على تويتر فى مصر، فيما دشنت فتيات كلا من حملة "خليك فى حضن أمك"، وحملة "خليه يخلل"، ردا على حملات الشباب لمقاطعة الزواج بسبب ارتفاع التكاليف والمهور والمطالبات الغير منطقية ، بينما حاول البعض البحث عن حلول لتلك المشكلات الاجتماعية.
خليها تعنس
وأرجعت سحر علاء- مغردة على موقع تويتر، أزمة ارتفاع تكاليف الزواج فى مصر إلى عدم تنازل الأهالى عن مستوى معين، قائلة:"المشكلة ياجماعة مش فى خليها تعنس ولا خليه جمب أمه، المشكلة إن تكاليف الجواز بقت أوفر وفى نفس الوقت لم بتلاقى أهالى تتنازل العريس يعتبرها جوازة رخيصة وتلاقيه بعد الجواز ميعرفش قيمتها وممكن توصل للطلاق الحل خير الأمور الوسط الطرفين يجيبوا في حدود العقل".
وهاجمت دعاء، هاشتاج "خليها تعنس" مشيرة إلى أن النساء ليست سلعة تباع وتشترى، ولا يرضا أحدا ذلك على أخته أو إبنته، قائلة:" حد عمل هاشتاج خليها تعنس أحب أقوله أن الستات و البنات ليست سلعة و لا أظنك ترضاه على أختك أو بنتك .. و إذا كان هناك بعض الناس يغالون فى طلبات الزواج فده موش مبرر أبداً للغباء ده ... طيب البنات عملت حملة "خليك في حضن أمك".. هتقدر تفتح بؤك".
دعاء: الستات ليست سلعه
وغرد حسن، قائلا :" أنا ضد حملة خليها تعنس دى.. لو عايز تتجوز أعمل حملة على الوحدات السكنية وأسعار الأجهزة الكهربائية والمهور الغالية أما البنت اللى هتعنس دى أختك وقريبتك وكلنا نتمنى الستر ليهم ولبنات المسلمين ربنا يعفنا ويعفهن بالحلال بلاش هبل".
حسن : لابد من حملة لخفض أسعار السلع الكهربائية
وقالت أمال: "أنا مع الحملة دى جدا وياريتها تجيب نتيجة إيجابية مع الأهالى لتقليل تكاليف الجواز والتنازل عن كل أى حاجة ممكن الاستغناء عنها"، ووصف مصطفى أزمة زواج الشباب فى مصر قائلاً :" احنا شباب متخرجين وشغالين بدون الشهادة ممكن تلقى مهندس شغال فى مطعم ومحاسب كاشير والمحامى سواق مكروباص وتيجى تفكر فى الجواز أبوها يقولك بنتى ماينفعش ييجي لها شبكة أقل من بنت خالتها"،طب ياعم الحج خليها تعنس".
أمال تتنمى أن يكون لها أثر إيجابى
وغردت أسماء قائلة:" الستات لازم تعرف أنها مش سلعة و لا مزاد للى يدفع اكتر و لازم تتحمل المسؤولية لأن الجواز ده مسؤولية و أول حاجة تثبت فيها الست إذا كانت هتقدر على هذه المسؤولية أو لاء هو تحملها لظروف زوجها سواء المادية أو المهنية، الجواز عمره ما كان شقة غالية و شبكة و مهر وفرح".
مصطفى يعرض وجهة نظره عبر الهاشتاج
وعارض شاهين فكرة الهاشتاجات بين الفتيات والرجال، قائلاً :" لا حول ولا قوة إلا بالله هي مين اللي خليها تعنس أختك ولا بنتك ومين اللي خليك في حضن أمك ابنك ولا أخوك ..انتوا كده ضد سنة الله فى الأرض"، وأضافت منار :"حملتين ضد بعض !.. خليها تعنس خليه يخلل هذا مؤشر خطير على مجتمعنا ويحد من الترابط والامتناع عن ما حلل الله به وهو الزواج والحب وزيادة النسل ..ياريت مش كل حاجة ننقاد وراها دون التعرف على النتائج السلبية".
منار/ الحملتين مؤشر خطير على المجتمع
خليها تعنس
عدد الردود 0
بواسطة:
ميدو
فعلا خليها تعنس
لسبب انه الجواز محتاج مليون جنيه ع الاقل شقه وتجهيزات و ياريت البنات تستاهل او تشجع انما للاسف متكبرين ومغرورين ومن النادر تلاقي واحدة عندها هدف في حياتها غير انها تتجوز اهلها فهموها كده انه انتي ليكي بيتي وجوزك وده مبدا غلط وحتى البنات المنفتحه العمليه اللي عندها هدف ومودرن اوي وبنطيل ضيقه وحاجة قرف بصراحه مافيش واحدة شيك ولبسها كويس وعندها هدف ومقبوله الشكل ومستوها جيد كل ده لا يجتمعوا في شخص واحد عشان كده خليها تعنس ونصيحه لاي بنت عايزه تتجوز ومعنسه بطلي اكل المحشي وركزي في السلطه ٦ شهور وانتي هتتجوزي
عدد الردود 0
بواسطة:
بركة الكنوز المدفونة
حينما تضيع القيم .. نمسك في الهيافات .. !!!!!!!!
للأسف سقطنا في مستنقع وبيارات التواصل الاجتماعي وصولا الى الانحطاط وقلة الأدب ونعدام الذوق .. المجرمون الحقيقيون هم من يدفنون روائع الفن الأصيل الخالد في مخازن ماسبيرو ولايقدمونها لأجيال لم تستمتع بقيم الجمال والحياء والحب الطاهر النقي مع النغم الأصيل والكلمات الراقية .. المجرمون الحقيقيون استسلموا لمافيا الفن الهابط ولم يقدموا لأجيالنا الجديدة سوى المسخ والسطحية والزعيق والنهيق وشكمانات السيارات .. الفن الأصيل يرتقي بالمجتمع .. لذلك كان من الطبيعي ان يتدهور الحال بشبابنا الى التراشق والتطاول والتجريح نتيجة لغياب قيم الجمال .. أعيدوا منظومة القيم .. اخرجوا الكنوز الذهبية المدفونة أيها المجرمون لترتقي بالذوق لدى شبابنا ليعرف طعم وقيمة الكلمة الطيبة والحياء والاحترام .. مع هذه الحملات البذيئة .. لماذا لانطلق حملات مثل " تنظيف مستنقع وبيارات التواصل الاجتماعي " .. " اعتز بالقيم المصرية " .. " ترفع عن المهاترات " .. " تطويع النت لصالح قيم الخير والجمال " .. وهكذا ... لكن رغم هذه الفقاعات التي تظهر على السطح .. مصر بخير وستظل دوماً بألف خير ....
عدد الردود 0
بواسطة:
زائر
ايه كميه التخلف ده من الطرفين
انتم ضد سنه الحياه بغباء وهذا ضد اى دين ... وبصراحه كل التعليقات ساذجه وتدل على سطحيه الطرفين ومستواهم الفكرى المضمحل ربنا يهديكم
عدد الردود 0
بواسطة:
د احمد
فخ
حملات مشبوهة ضد كل القيم والمبادئ نقع فيها بكل سذاجة بلا اي تدبر اتمني ان تكون دعواتنا للاصلاح ولمكارم الاخلاق ولسلامة المجتمع افيقوا يرحمكم الله
عدد الردود 0
بواسطة:
محمد
كانت تبقى حملة محترمة فى حالة واحدة
ان تبقى الحملة من الطرفين ضد غلاء المهور والطلبات وكان مثلا تبقى تحت مسمى عايزين نتجوز او رسالة للاهل باسم خليكوا بافكاركم الغلط سيبونا فى حالنا مش حملة من ناس ضد ناس تانية وخرجت اصلا من هدفها ودخلت فى سكة مضلمة على الاخر ايه قلة العقل المفرطة ديه فعلا السوشيال ميديا ملتقى مفتقدى العقل فى العالم
عدد الردود 0
بواسطة:
محمد
اتبعوا من لايسألكم أجرا
قال رسول االه صلى الله عليه وسلم : "إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير" صدق رسول الله صلى الله عليه وسلم هذا هو القول الحق مش الهيافه والمسخره اللى انتم عاملينها دى سنة الله فى الارض مش كده والا ايه 👍