انسان غريب
مهتـم بجسمك
بيهد ف اسمك
مصر يقاسـمـكـ
بياخد من ضحكتك حلوهـا
بيسرق من صحتـك نصهـا
بينقص من دمعـتـك عمرهـا
لازم يلازمـك
احساس مريـب
بقو كل الناس يستبعدوك
ونص الى أصلك يستجهلوك
فتكـبـر فـ سـنـــكـ
شعور بضيـق
بقى المـك لميــن ؟
ألم جايلك مفاجأة
وقلمهم بيكمل الفجأة
بقى نصك ربعيـن
بعد ما عينك طبطبت عليهم
بعد ما نـمـت تحلـم ليـهم
بقى تعبك هو مصدوم فيهم
بعد القراب قسـمك سـمـك
خيرك ليهم بقـى تأخيـر
طول الليل بقى عمره تقيـل
رحله يا عالم ايه نهايتـهـا
لكنـ على كلٍ لعلَه خيـر
صحيح
كله جاى مرة واحدة
لكن اوعى تسلم للوحدة
شايـف
عنيك بتنطق ف سكوتـك
وايديك صرختها مكان صوتك
لكن عنيـد
مصمم تقـاوم
ف وجعك تهاجم
شايف اصرارك ع الجايز
بانه الأكيد
فى ناس تشبه احوالك
وألمـهم ف يوم كان حالك
ياما زرعوا وبقوا ناس تانيين
وحياتهم من لون للونيـن
وفاكرين مين باع ف ضيقتهم
وكاتبين على ايدهم
مين كان دراعهم اليمين
كله بيقابل جسم غريب، كله بيمر بوقت رهيب
كله ف لحظه بيعيد حساباته، ويغير جلده من صدماته
كله ف وقتـه بيبـقـى طبـيـب
صحيح وجعك مالوش عنوان
صحيح بتقاوم خوف سعران
صحيح سرطان
اكيد بتحارب جوع قرفـان
اكيد ايام مش راضيه تعدى،
ويعدى اليوم عليك خسران
لكن سبحان عليك انسان
بتعدى بقلب مش بيصدي
بتأدى بروح رافضه تهدي
طول عمرك كنت بتستقوي
وكنت ف عز الحرب الأقوي
وان كان نصيبك كان قد كان
فشهاده حق شفتها ف عنيك
عمرك ف يوم ما اتهزيـت
وكنت بجد حديد ف حديد
طول عمرى عارف تمامك ايه
وشمال يمين مش فارقه معاك
سواء كان هنا او هنـاك
عمر الضحكه ماكانت سايباك
كنت جايب الضحكه منين
كنت ازاى جميل ومتيـن
سلاماً
للى دمهم زى دمك
والى بيحنوا ليكـ رغم عنـك
وعاشوا حياتهم ليك كأنك
ملايكـه الرحمـه الى منـك
صدقنـي
ماشفتش زيك اسد ماعرفش الخـوف
ولا شفت طيور بتطير فوق الظروف
صدقنـي
النهاية ما بتنتهيش بأصحابهـا
من مليون حكاية بتاخدنا حكاية نكتبها
صحيح فارقـت الحياة
بس حيـيـت قلـوب عاشت ف تـوب
مكنـتـش جواه
سرطان فراقك هيفضـل فينـا
