راح فين يا قلبى شبابك
ولا الشيب دق على بابك
كبر وعجز ولا مأجز
ولا قلوا و بعدوا أحبابك
راحت فين يا قلبى الفرحة
قست عليك الدنيا الجارحة
وبقت العيون لقلوبنا فاضحة
حتى فى وسط الفرحة سارحة
بقيت تشوف الحزن رفيق
وبقى الصبر ليك صديق
دمع العين خف وقل
واللى انت فيه ملهوش حل
مش عارف ترسى على بر
ولا لاقى لك مفر
تعدى الايام وتمر
والسنين تسرق من العمر
الاحلام ما بقت أحلام
طلعت سراب اوهام
وما عدت تحب الكلام
بقى بس كفاية السلام
بقى الصمت طبعك
الزمن تعبك و وجعك
ضحك عليك وخدعك
خد عمرك ولا رجعك
قالك بكره جي
بكره اللى ملوش زي
ولسه برده قلبى مصدق
بس ما عاد قادر يعشق
قالى هتفرح لما توصل
واللى نفسك فيه يحصل
وعدى بكره وبعده
مستنى زمنى يحقق وعده
دقاتك يا قلبى تقل
والصبر منك زهق ومل
والحنين للماضى ما سابك
لسه ساكن جوا دولابك
تسأل فين يا قلبى شبابك
لما يرجع أعز أحبابك
ترجع الفرحة تدق بابك
ويرجع لك يا قلبى شبابك
