دشن مجموعة من مستخدمى موقع "تويتر"، حملة غريبة تحت عنوان "خليها تعنس"، تهدف إلى مقاطعة الزواج.
خليها تعنس
الشباب حاولوا أن يسلطوا الضوء على ارتفاع تكاليف الزواج، من خلال هذه الحملة، التى لاقت صدى واسع عبر مواقع التواصل الاجتماعى المختلفة.
وتحت عنوان "خليها تعنس ومتورطش نفسك"، غرد العديد من الشباب المؤيدين للحملة عبر هذا الهاشتاج، الذى شهد عبارات ساخرة من قبلهم.
مغرد يدعى "حمادة سيدهم" شارك فى الحملة قائلاً: " عشان الجواز بقى صعب اليومين دول.. خليها تعنس".
حمادة
حجازى، أحد الشباب المغردين ضمن الهاشتاج، ويبدو أنه متحفزاً للمشاركة فى أى حملة من شأنها الدعوة للمقاطعة، وعلق بقوله: " خليها تصدى و خليها تعنّس و اللى تشوفوه أنا معاكوا".
حجازى
أما فارس السيد، فقد علق بقوله: " سيبك منها وعيش حياتك. بدل القرف وكنت فين ومكنتش فيين، وخليهم يتقلوا براحتهم بقا".
فارس السيد
بينما علق هشام سلامة بقوله: "طب فعلا الشباب ليه ميتكاتفوش و نعمل حملة خليها تعنس مش يمكن الأسعار تنزل شويه؟.. خصوصا إن الاتنين وسائل مواصلات عربيتك بتوصلك شغلك ومراتك بتوصلك للجنة ونعيمها".
محمد الطحان
هشام سلامة
يذكر أن عدد من حملات المقاطعة بدأت عبر مواقع التواصل الاجتماعى خلال الأيام الماضية، بسبب الارتفاع فى أسعار بعض المنتجات والسلع، كان من بينها حملة "خليها تصدى" لمقاطعة شراء السيارات، و "خليها فى المصنع" لمقاطعة شراء السجائر.
عدد الردود 0
بواسطة:
Mohamed Abdiu
و هو يعمل ايه
هى تعنس و هو يتجوز الهوا مثلا..و لا حيخصى نفسه؟.. مهو حيفضل متنطع ع القهاوى و نواصلى الشوارع للفجر برضه.. الحمله الصح #خليهم_يتجوزوا #يابخت_من_وفق_راسين_فى_الحلال
عدد الردود 0
بواسطة:
مصري
عن السجائر
حمله مقاطعه السجائر " خليها تحرق نفسها"
عدد الردود 0
بواسطة:
Magdy Khalil
موضوع المحكمة للزوجة وهي السلاح القاطع لها وهي المشجعه علي الطلاق
انا معاك في اللي حضرتك بتحكي فيه.. بس الأول المفروض ان المحكمة تشوف حل. لائن البنت النهارده بتتجوز واقل من سنه لو مش عجبها الوضع تجري علي بيت اهلها وترفع عليه. عد بقي. القايمة ووصل الدهب وهو أصلا بيكون معاها. ونفقه لها وكمان لو الرجل حب يطلق لازم يدفع اللي هي قالت عليه. حضرتك احنا الشباب لسه في اول حياتنا واهلنا صرفوا علينا كل ما يملكوا عشان نتجوز وهي تيجي في لحظه تخرب كل ده.. لازم تشوف حل للموضوع ده..
عدد الردود 0
بواسطة:
داليا السيد حسين
خليها حملة تخفيض تكاليف الزواج
بسم الله الرحمن الرحيم خليها حملة تخفيض تكاليف الزواج، يعني التركيز على الاستغناء عن امور كتيرة مالهاش لازمة غي مستلزمات ثانوية، ويكون بس المستلزمات الاساسية هيا المطلوبة... (يعني عدد غرف الاثاث ممكن يقل، عدد المفروشات والزجاجيات ممكن يقل، شراء اجهزة بأحجام صغيرة ارخص... وهكذا) التكاليف حاتقل كتير كده بإذن الله، مع إيجار شقة فهوا بردو توفير مسكن بعقد واتفاق قانوني بيدفع مقابل له ولا يوجد فيه مشكلة... سهلوا عشان الامور تمشي وتكون سنة الله في خلقه، وتكون الفطرة سليمة
عدد الردود 0
بواسطة:
محمد السيد
مصاريف وحتخلعك وتاخد الشقة و الاطفال وتشوفهم رؤية
قوانين الاحوال الشخصية و غلاء السعار السبب وفكر المراة المصرية النكدد انتووا صححححححححح خلوها تعنسسسسسسس
عدد الردود 0
بواسطة:
الأسكندراني
(( الزواج في مصر )) !!!!👌
...و...و ......شبكه ومهر ... وقايمة قهر ...وفرحة شهر ...وحزن الدهر ... حد يروح للوبا ...حد يدوس على الكهربا ...حد يعيش مع عقربا .!!!!؟؟؟؟ ....صباااااااااااااااااااااااح الفل .
عدد الردود 0
بواسطة:
محمد
ضموا نفسيكوا على مبادرة الصعيد بدل الكلام ده
الصعيد دلوقتى بداوا يعملوا مبادرات لازالة فكرة التكاليف الباهظة فى الزواج اكيد ده احسن
عدد الردود 0
بواسطة:
خليها تعنس
خليها تعنس
خليها تعنس ومش عاوزين جواز واعملوا قوانين لصالح الهانم وخلوها تعنس ، والشباب مش عاوز وجع دماغ ، ومش عاوزين نتجوز وخليها تصدى .
عدد الردود 0
بواسطة:
عايده
اتفهموا احسن
حرام عليكوا البنات ذنبها اية ...اتفقوا علي حل احسن ...او مبادرة لخفض تكاليف الزواج
عدد الردود 0
بواسطة:
مصرى
خليها على الله فى مصر وشبابها
انتوا اصلان لو عندكم شغل بدل منتوا مسكين التلفوان 24 ساعة كنتوا فكرتوا بافكار تفيدكم قبل ماتفيد بالبلد بس هقوال اية.. لاحوله ولا قوه الا بالله