على الرصيف بات الضـعيف
فى عز الشتاء وليله المخـيف
تلاقى الفقير الطيب العفيـف
شىء مؤسف جدا وسخيـف
لما الحنان فى القلوب يجف
ومفيش قلب طيب يحس
بالفقير فـى محنته
فى عز البرد وشدته
وخوفه منه ورعشته
فين القلوب الطيبة
العطــف فيها هبه
أصحاب النفوس الكريمة
فى العطاء اجمل ســـيرة
جواها الاحساس حي
فى وسط الضلمة ضي
ضى لقلوب محتاجه الحنان
ضى لقلوب محتاجه الامان
اصحاب القلوب الرحيمه
اللى احساسها موجوع
على كل فقير بيجــوع
وعلى كل نفس متجمدة
فى عز الشتا وسقعته
والجوع قارص معدته
وتلج الشتاء وقسوته
وآلامه فيه وكسرته
فى عز البرد والمطر
والجو صعب وخطر
صوت الرعد زلزل الابدان
وضى البرق والسماء ألوان
هلع وخـــــوف يقتل فيه
والدنيا بتشتى من حواليه
حياته عذاب وانيــــن
على الرصيف حزين
مــتشرد مــن سنــين
بينام عليه مهان
نومة ذل وهوان
عاجز وعليل
عــايش ذليل
تايه ومحتار
ولا سكن ولا دار
ولا حــاجه تدفيه
ولا حيطه تدارية
ولا لقمه تقويه
ولا هدمه تغطيه
من برد الشتا تحميه
تم أضافة تعليقك سوف يظهر بعد المراجعة