وائل عبد الودود حسين يكتب: كسر الخواطر

كسر الخواطر من المخاطر

اتحمل نتيجته لو كنت شاطر

يكسروا فيك الف خاطر

تيجي تتغير يقولوا يا ساتر

يخلق من الطيبة جبروت

يخلق وحش جواك مكبوت

لو صرخ بأعلى صوت

صوت صرخته يشق السكوت

تخاف منه وتهابه

ويا ويله اللي يجي تحت نابه

يخلق جواك الانتقام

من غير قيد ولا لجام

على مقدار حجم الآلام

لا مقام ساعتها ولا احترام

تخليك انسان متحفز

ورصيد الطيبة مستنفذ

حاجة تخنق وتنرفز

كسره شيء مقزز

يقتل البراءة اللي جواك

ويحولك لو كنت ملاك

لسلاح قوي وفتاك

يخرج منه بركان هلاك

بقسوة توجع كلها اشواك

من غير شعور ولا ادراك

يحولك لو كنت ودود

يملاك غضب من غير حدود

لو حد فكر يوجعك

يضحك عليك او يخدعك

يله بالسلامة يودعك

ولا كان من الاصل ينفعك

اللي كسرك ضلك

ورصيده بقى مستهلك

كان واخد قلبك مسلك

ومنه قدر واتملك

لو احتاج حاجة يستلطفك

كأنه صاحب ويعرفك

ووقت الجد لا يعرف حد

لا يقف جنبك ولا يشرفك

يقلب عليك ويقرفك

لعب بمشاعرك وعواطفك

من الناس دي يا رب لطفك

يحسسك على طول بالذنب

تهجر حياتك و تاخد جنب

يخلق حجج غير منطقية

ويعيش فيها يعملها قضية

اسلوبه وكلامه ساخر

كده خلاص جاب من الاخر

لا يعرف معنى الاحترام

كسر الخواطر شيء حرام

استاذ في اصول الكذب

بكلام حلو وعذب

وانت ما ليك اي ذنب

تتركن على جنب

والقلوب تبقى مكسورة

والروح تعيش مقهورة

النفس تكون مجبورة

وفي الحياة مهجورة

واللي كسرك ولا اهتمام

ولا عارف انه حرام

لا له أي مشاعر

ولا حتى بأذاك شاعر

بكره يشوف الانتقام

و تاخد بحقك الايام

تكون بنفس الآلام

كده تمام يله السلام

مش عايز ادعي عليه حرام

مش قادرة تطلع من قلبي

وكفى بالله حسبي

كم كان متحلي بالقسوة

كم كان مستغل السطوة

وصلت لمرحلة الذروة

عشت الحياة في غفوة

ضحك عندما بكيت

واعتقد اني انتهيت

صبرت كتير وصليت

منه واعماله اكتفيت

والصبر كان صديقي

وفي الحياة رفيقي

انها ليست النهاية

انها أصل الحكاية

لن اقف على الاطلال

وسأبحث عن المراد

مهما العمر طال

ربما تغيرت الحياة لونها

وتبدلت كثيراً احوالها

تاهت فيها سطورها

وبهتت أحياناً حروفها

بين الالم والكسرة

بين الندم والحسرة

وهذه السطور في الحياة

ليست أجمل ما سطرت

وهذه الاوراق في المباراة

ليست اخر ما كتبت

ستمر الشهور والاسابيع

وسيأتي حتماً الربيع

سيزول معه الصقيع

وستتبدل المواضيع

سيبقى الصنيع

بيننا سد منيع

عالي وفظيع

موحش ومريع

سيظل الطيب وديع

وسيبقى الرخيص وضيع

ومن استغل الشيء المباح

سيذهب يوماً مع الرياح

سيكتوي ألماً بنارها

كما اكتوى من قبلها

لن ابقى مجروحا انزف

سأطير يوماً وارفرف

سأعزف اجمل الالحان

واودع من لم يكن انسان

حتما سيكون هو الخسران

وإن لم يخسر شيء

ففي نظري انا الكسبان

سأفتح نوافذي وارتقي

لنسمات الهواء النقي

ولو كان العزاء مسموح

يبقى العزاء في جرح الروح