غاب القلب الحنين، جَف نهر الحنان
من يوم ما بعدتى يا أمى ،مش حاسس بالأمان
يوماتى فيكى بفكر وشايفك ليل نهار
من غيرك الدنيا ضلمة والقلب قايد نار
يا حُب قلبى اللى هاجر وساب قلبى وحيد
تعبت يا أمى، مش قادر وأنتِ عنى بعيد
فى حلمى بأتمنى أشوفك، حتى ولو مرة
دى الدنيا من غيرك صعبة يا أمى أوى مُره
ده أنتى كنتى نهر جارف بيفيض حنان
كنتى مركب بأحس فيها بالأمان
طيفك لسه فى خيالى مفارقنيش
معايا طول الليالى ومعاكى بأعيش
كلمة حبيبى يا غالى مبتسبنيش
وكل كلامك فى بالى وماموتيش
كان أجمل حاجة فيكى يا أمى حُب الخير
الكل زعلان عليكى والشكر فيكى كتير .
رنة غوايشك سامعها وصوتها لسه فى ودنى
ودموع عينيا حايشها ونفسى أخدك فى حضنى
تم أضافة تعليقك سوف يظهر بعد المراجعة