كشف المطرب محمد رشاد تفاصيل جديدة عن إلغاء حفل زفافه فى أكتوبر الماضى، على الإعلامية مى حلمى، موضحا شماتة الكثير فى أكثر يوم كان ينتظره، وأنه استفاد الكثير من تلك التجربة، موضحا أن حفل الزفاف تحول إلى تصفية حسابات.
محمد رشاد ببدلة الفرح
ونشر محمد رشاد صورا من حفل زفافه على الإعلامية مى حلمى، قائلاً: "أنا شفت شماتة فى أكتر يوم كنت بستناه مع أكتر بنت حبيتها فعمرى كله، وكنت بحسها بنتى وحبيبتى وصحبتى طبعا من وقت المشكلة اللى حصلت اليوم دا لحد النهاردة استفدت كتير من اللى حصل حواليا".
وأضاف: "أولهم إن ناس كتير ممكن تبين فرحتهم وهما مش فرحانين ليك من قلبهم دا تمثيل، ووقت المشكلة بيتحول الفرح لتصفية حسابات على حساب أى حد".
محمد رشاد ينشر صورة مى حلمى بفستان الزفاف
وأكد رشاد: "تانى حاجة ناس كتير بالذات فى مجالى هتبين أنهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا فى تفاصيل حياتك الشخصية.. فى الآخر مش هيفضل غير اللى بيحبك وبيتمنالك الخير".
وتابع رشاد: "الناس وآرائهم مش هيكملوا معاك حياتك بس اللى بيحبك وعايزك معاه هوا بس اللى هيفضل.. اتمنولنا الخير ولكم المثل يا رب".
وكانت قد نشرت الإعلامية مى حلمى، مذيعة الراديو، صورا من حفل زفافها منذ يومين، مما يؤكد عودتها إلى المطرب محمد رشاد، لكنها لم تعلن أى تفاصيل جديدة.
تم أضافة تعليقك سوف يظهر بعد المراجعة