ورقة وقلم – صورة أرشيفية
مشاركة
تعيش تكتب
تموت مصلوب على ورقك
وحبل الفكر لو خانك ويوم شنقك
تعود من تانى لحروفك
تدارى ف السطور خوفك
تطمن بالحروف قلقك
تعيش تكتب
لكن إياك ف يوم تكدب
ولا تقطع ايدين العمر لو سرقك
وسيبه يروح
وخد منه بقايا الروح
وشق السطر بعصايتك
ولو شقك طوفان الحب أو فلقك
بلاش تعند وموت على طول
هتبقى رسول
رسالتك ف الهوى غرقك
مشاركة
تم أضافة تعليقك سوف يظهر بعد المراجعة
عدد الردود 0
بواسطة:
انور عصام
مدح
أحسنت يا شاعرة...شكرا لكلماتك الرائعة...أنعشت في الروح حياة كانت الغابرة...سلم قلمك يا شاعرة