الحياة ملعب والكل بيلعب مرة كسبنا ومرة خسرنا
و الكرة فرصة مرة تجى لنا ومرة تانية مع غيرنا
و دافع قوى يمنع حلمنا هى ظروفنا وصعاب حياتنا ويومنا
و نعفر عشان نعدى ونحقق هدفنا مرة ننجح ومرة تهزمنا
ومننا واحد هداف ومننا لما جات له الفرصة خاف
وواحد تانى سواح لفرصة واحدة فى حياته ما شاف
وفى لحظة واحدة تجى لنا الفرصة بعد أصعب ظروف
وممكن تضيع الفرصة وممكن نفوز ويملكنا الخوف
والعمر فرصة ليه نخاف وعلى حلم العمر ندوس
لازم كلنا نسعى وعمر الفرصة ما تجى وأحنا فى جلوس
وفى لحظة ممكن يكون مش بأيدنا نشوف الفرصة ونسيبها
ونسمع صرخة فجأة تانبنا ومنين تانى بس نجيبها
وما حدش فى حالنا يسيبنا بس نلقى كتير يأخد بأيدنا
والحظ لو يسعدنا بفرصة تانية يساعدنا ويسندنا
وفى كل لحظة تعدى نقول الحلم والأمل مننا ضاع
وأحنا فى انتظار الفرصة والجول يا ناس خداع
والكرة فرص زاى الحياة ولما تضيع الفرصة نكون على رجاء
والخوف يخد كارت احمر الهداف ويضيع الرجاء والملعب شقاء
ومرة سقف الطموح بينا يعلا ويمر الوقت علينا نخاف
لتيجى الفرصة مرة تانية تضيع وما نلقيش الهداف
ولما جات لينا الفرصة الحكم يضرب صفرته بنهاية المباراة
ودى أخير فرصة يا خلق أخير فرصة لينا فى الحياة
والحياة ملعب وبنلعب مباراة
تم أضافة تعليقك سوف يظهر بعد المراجعة